ნულების შესახებ

ნული რომ არაფერია, ყველა ბავშვისთვის ცხადზე ცხადია. მაგრამ ვნახოთ, რამდენად სერიოზულად აღიქვამენ მას მოზრდილები. ცელსიუსის სკალით 10 გრადუსი ტემპერატურის წყალი სწორედ ის არის, რომელსაც ვნატრულობთ, როდესაც გვწყურია –  ზომიერად ცივი და გემრიელი. ტემპერატურისათვის ერთი ნულის მიწერა ნიშნავს 100 გრადუსის წყალს, რომელიც დუღს და ძალიან  შორს არის იმ, ჩვენთვის ესოდენ სასურველი წყლისაგან, რომელსაც ცხელ ამინდში ვნატრულობთ წყურვილის დასაკმაყოფილებლად. კიდევ ერთი, არაფრის მნიშვნელი ნულის მიწერა და წყლის ნაცვლად გვაქვს აირი,რომელიც თვალისმომჭრელად ანათებს. ცელსიუსის სკალით 500 გრადუსი ის ტემპერატურაა, როდესაც სხეულები იწყებენ მუქი წითელი ფერით (შინდისფრად) ნათებას. ტემპერატურა მზის ზედაპირზე დაახლოებით 6000 გრადუსს შეადგენს. წყლის საწყის ტემპერატურას ჩვენ ჯერ მხოლოდ ორი ნული მივუწერეთ. ალბათ აღარ ღირს მეტის მიწერა, შედეგი ისედაც ცხადია.
1 მილიარდი (1 000 000 000) ა.შ.შ დოლარი უდრის 1 000 მილიონ დოლარს. თუ თქვენ ისეთი შემოსავალი გაქვთ, რომ ყველა ხარჯების შემდეგ ( დენის, ნაგვის, გაზის, წყლის გადასახადების გასტუმრების შემდეგ, ბინის, აგარაკის, ავტომობილის ყიდვის შემდეგ, ქეიფების, დროსტარებების, გოგოებთან გართობის შემდეგ )  ყოველ თვეში ერთი მილიონი დოლარი გრჩებათ, მაშინ 1 მილიარდს თქვენ დაახლოებით 100 წელიწადში დააგროვებთ. ოხ, ეს ნულები.